“Starlink” məhdudiyyətlərindən sonra Ukraynanın dronları vurma göstəricisi azalıb
Ukraynada “Starlink” və “Starshield” sistemlərinə tətbiq olunan məhdudiyyətlər fonunda Rusiyanın reaktiv mühərrikli “Şahed” tipli pilotsuz uçuş aparatlarının (PUA) vurulma göstəricisi 77 faizdən 74 faizə düşüb.
Crossmedia.az xəbər verir ki, ABŞ-nin Müharibənin Öyrənilməsi İnstitutu (ISW) bu barədə hesabat yayıb.
Analitiklərin məlumatına görə, oktyabrın 14-dən 24-dək peyk rabitəsində yaranan məhdudiyyətlər dövründə Ukraynanın reaktiv dronları ələkeçirmə göstəricisi 3 faiz bəndi azalıb.
Bununla belə, hesabatda hava hədəflərinin məhv edilməsi göstəricisinin nisbətən yüksək səviyyədə qaldığı vurğulanıb.
ISW ekspertləri qeyd ediblər ki, reaktiv mühərrikli PUA-lara qarşı ən effektiv vasitələrdən biri dron-ələkeçiricilərdir.
Bu aparatların yüksək sürətlə fəaliyyət göstərməsi üçün sabit peyk rabitəsi tələb olunur. Buna görə də “Starshield” sistemində yaranan fasilələr onların döyüş effektivliyinə təsir göstərə bilər.
Analitiklərin fikrincə, Ukrayna gələcəkdə reaktiv dronlara qarşı müdafiə imkanlarını qorumaq və gücləndirmək üçün daha müasir ələkeçirici sistemlər hazırlamalıdır.
16:22 26.10.2026
Oxunuş sayı: 46
