Xarici xəbərlər

Hörmüzdəki böhranla bağlı gözlənilməz ittiham

İran Xarici İşlər Nazirliyi ABŞ-nin Hörmüz boğazında yaranmış böhrana görə məsuliyyəti İranın üzərinə atmağa çalışdığını bildirib.

Crossmedia.az xəbər verir ki, İran XİN-in sözçüsü İsmayıl Bəqai bu barədə açıqlama yayıb.

Bəqainin sözlərinə görə, Hörmüz boğazı fevralın 28-dək tam açıq olub. O, həmin tarixdə ABŞ və İsrailin İrana hücumundan sonra bölgədə kommersiya gəmiçiliyinin normal hərəkətinin pozulduğunu, tankerlərin dayanması, ticarətin çətinləşməsi və enerji qiymətlərinin artması ilə bağlı vəziyyət yarandığını bildirib.

İran rəsmisi Vaşinqtonun özünün yaratdığı böhranın nəticələrinə görə dünya ölkələrini məsuliyyət daşımağa məcbur etməyə çalışdığını və yaranmış vəziyyətin İranın adı ilə əlaqələndirildiyini iddia edib.

Mövzular:

İran ABŞ İran Xarici İşlər Nazirliyi Hörmüz boğazı İsrail Vaşinqton böhran kommersiya gəmiçiliyi

🖨 Çap et

11:42 07.09.2026

Oxunuş sayı: 47