Xarici xəbərlər

Çindən İkinci Dünya müharibəsi ilə bağlı sərt mesaj

Çin İkinci Dünya müharibəsinin nəticələrinə yenidən baxılması cəhdlərinə qarşı çıxacaq.

Crossmedia.az xəbər verir ki, “RİA Novosti” bu barədə məlumat yayıb.

Çin Dövlət Şurasının vitse-premyeri Din Syuesyan bunu Şərq İqtisadi Forumunun plenar iclasında çıxışı zamanı bildirib.

“Biz tərəfdaşlarımızla əlaqələri və əməkdaşlığı gücləndirməyə, BMT Nizamnaməsinin məqsədlərinə riayət etməyə, beynəlxalq ədaləti qorumağa və İkinci Dünya müharibəsinin nəticələrinə yenidən baxılması cəhdlərinə qarşı çıxmağa hazırıq”, – Din Syuesyan deyib.

Bundan əvvəl Rusiya Prezidenti Vladimir Putin bir sıra Qərb ölkələrində İkinci Dünya müharibəsinin nəticələrinə faktiki olaraq yenidən baxıldığını və Nürnberq və Tokio tribunallarının qərarlarının açıq şəkildə nəzərə alınmadığını bildirmişdi.

Putinin sözlərinə görə, bunun səbəbi hazırkı Qərb elitalarının öz sələflərinin başlatdıqları dünya müharibəsindəki məsuliyyətini xatırlamaq istəməməsidir.

Rusiya Prezidenti Qərb ölkələrinin öz tarixlərinin “rüsvayçı səhifələrini silməyə”, revanşist və neonasist meyilləri təşviq etməyə çalışdığını qeyd edib.

Putin həmçinin bildirib ki, siyasi konyunkturaya uyğun olaraq tarixi həqiqət təhrif edilir və müəyyən faktlar susdurulur.

Mövzular:

Çin Din Syuesyan BMT Putin İkinci Dünya müharibəsi Qərb ölkələri Şərq İqtisadi Forumu BMT Nizamnaməsi

🖨 Çap et

14:47 03.09.2026

Oxunuş sayı: 39