Piyuş Qoyal tənqidçilərə səsləndi: 7,8%-lik artımı həzm edə bilmirlər
Hindistanın Ticarət və Sənaye naziri Piyuş Qoyal ölkənin son ÜDM göstəricilərini şübhə altına alan tənqidçilərə cavab verib və keçmiş maliyyə katibi Subhaş Çandra Qarqa üstüörtülü şəkildə münasibət bildirib.
Crossmedia.az xəbər verir ki, “Business Today” bu barədə məlumat yayıb.
Qoyal Hindistanın birinci rübdə qeydə alınan 7,8%-lik real ÜDM artımını müdafiə edərək bu göstəricinin reallığı əks etdirdiyini bildirib. Onun sözlərinə görə, tənqidçilər köhnə və yeni ÜDM hesablanması seriyalarını müqayisə etməklə yanlış nəticələrə gəlirlər.
Nazir tənqidçiləri “müxalif mövqedə olanlar” kimi xarakterizə edib. Qoyal bildirib ki, onlar bu iqtisadi artımı qəbul edə bilmirlər və televiziya proqramlarına çıxaraq müxtəlif arqumentlər irəli sürməklə məşğuldurlar. Qoyalın bu açıqlamalarının keçmiş maliyyə katibi Subhaş Çandra Qarqın Hindistanın ÜDM göstəriciləri ilə bağlı suallarından sonra səsləndiyi bildirilir.
06:30 04.09.2026
Oxunuş sayı: 234
