Paşinyan: Ermənistanın dəmir yolları üzrə konsessiya hüququ 400 milyon dollara satıla bilər
Ermənistanın baş naziri Nikol Paşinyan Rusiyanın ölkədəki dəmir yollarının konsessiya hüququnu təxminən 400 milyon dollara sata biləcəyini bildirib.
Crossmedia.az xəbər verir ki, Nikol Paşinyan bu barədə Ermənistan parlamentində çıxışı zamanı danışıb.
Paşinyan Rusiya ilə dəmir yolları məsələsində açıq müzakirələr apardıqlarını və heç nəyi gizlətmədiklərini deyib.
Onun sözlərinə görə, hazırda konsessiya hüququnun təxminən 400 milyon dollara satılması üçün imkan var və bu, yaxşı fürsət hesab olunur.
Ermənistan hökumətinin başçısı Rusiyanın maraqlarına böyük hörmətlə yanaşdıqlarını vurğulayıb.
“Lakin başqa ölkənin maraqlarını öz maraqlarımızdan üstün tutmaq məntiqsizdir. Biz bu istiqamətdə addım atmağa çağırırıq”, – deyə Paşinyan bildirib.
17:42 24.08.2026
Oxunuş sayı: 44
