Xarici xəbərlər

Rusiyada məktəb hücumu ilə bağlı şübhəli Almaniyada saxlanılıb

Almaniya Federal Prokurorluğunun məlumatına görə, Rusiyada bir məktəblinin öldürülməsinə təhrikdə şübhəli bilinən şəxs saxlanılıb.

Crossmedia.az bu barədə xarici mediaya istinadən xəbər verir.

İttihama əsasən, şübhəli şəxs sağ ekstremist ideologiyanın tərəfdarlarını birləşdirən ən azı iki onlayn icma yaradıb. Bildirilir ki, həmin qruplar vasitəsilə Rusiyada azyaşlı bir şəxsi məktəbdə başqa bir uşağa bıçaqla ölümcül xəsarət yetirməyə sövq ediblər.

Həmçinin iddia olunur ki, şübhəli şəxs həmin çatlarda ABŞ-də bir gəncin öldürülməsinə çağırışlar edib, ABŞ və İsveçdə yaşayan gəncləri avtomobilləri yandırmağa təşviq edib və Avropa ölkələrindən birində yaşayan uşağı özünə xəsarət yetirməyə inandırıb.

Mövzular:

Almaniya Prokurorluq Federal ekstremizm icmalar cinayət təhriki kibertəhlükəsizlik araşdırma

🖨 Çap et

19:36 20.08.2026

Oxunuş sayı: 52