CROSSMEDIA - Analitik İnformasiya Portalı

Axtarılan söz: kəsir

13:15 09.10.2026

Çin-Aİ münasibətlərində kritik dönüş: ticarət savaşı riski artır

374

Çin və Avropa İttifaqı arasında iqtisadi və ticarət münasibətləri yeni mərhələyə qədəm qoyur. Crossmedia.az xəbər verir ki, Aİ Çindən artan xarici ticarət kəsiri və Avropa sənayesinin zəifləməsi ilə bağlı narahatlıqlar fonunda Pekinə qarşı yeni proteksionist tədbirlər tətbiq etməyi nəzərdən keçirir. Fransa Prezidenti Emmanuel Makron və Almaniya kansleri Fridrix Merz Avropa Komissiyasına ünvanladıqları birgə məktubda bazara çıxışın məhdudlaşdırılması da daxil olmaqla, daha sərt ticarət müdafiə mexanizmlərinin tətbiqini təklif ediblər. Çin tərəfi isə proteksionist siyasətin Ümumdünya Ticarət Təşkilatının qaydalarına zidd ola biləcəyini bildirib. Çinin xarici işlər naziri Vanq Yi Çin və Aİ-nin ticarət müharibəsinə sürüklənməməli olduğunu vurğulayıb. Məlumata görə, Pekində keçirilən Aİ-Çin Ticarət və İnvestisiya Məşvərətlərindən sonra hazırlanacaq hesabat əsasında yeni ticarət müdafiə alətlərinin müəyyənləşdirilməsi gözlənilir. Aİ-nin bu istiqamətdə konkret qərarlarının dekabr ayında keçiriləcək Avropa İttifaqı Şurasının Zirvə toplantısında açıqlanacağı gözlənilir.