Azərbaycan Çeçenistanın təzminat təklifini rədd edib: məsuliyyət Rusiyaya aiddir
Azərbaycan tərəfi, Çeçenistanın təzminat ödəməsi təklifini rədd edərək, bu məsələdə heç bir təzminat qəbul etməyəcəyini bildirib. Eyni zamanda, Azərbaycan, baş verən hadisənin yalnız Çeçenistan tərəfindən üzərinə götürülməsini qəbuledilməz hesab edib.
Crossmedia.az xarici KİV-ə istinadən xəbər verir ki, Bakı, Çeçenistanı Rusiya Federasiyasının beynəlxalq tanınmış sərhədləri daxilində görür və bu səbəbdən məsuliyyətin yalnız Çeçenistanın üzərinə qoyulmasının düzgün olmadığını vurğulayıb.
Azərbaycan diplomatik kanallar vasitəsilə Rusiyaya xəbərdarlıq edib və hadisə ilə bağlı məsuliyyətin tam olaraq Rusiya Federasiyasının rəhbərliyinin və Kremlin üzərində olduğunu bəyan edib. Bu səbəbdən, təzminat və üzrxahlıq prosesinin birbaşa Rusiya tərəfindən həyata keçirilməli olduğu tələb edilib.
Aytac Bəhruzqızı
15:45 27.12.2024
Oxunuş sayı: 6814
