Gündəm

Ukrayna xarici işlər naziri Azərbaycana başsağlığı verib

Ukraynanın xarici işlər naziri Andrey Sibiqa, Azərbaycan Hava Yollarına məxsus təyyarənin Bakı-Qroznı reysini yerinə yetirərkən Qazaxıstanda, Aktauda baş vermiş qəza ilə bağlı Azərbaycana başsağlığı verib. Sibiqa, başsağlığı mesajında təyyarənin qəzaya uğramasının dəhşətli bir hadisə olduğunu vurğulayıb.

Crossmedia.az xarici KİV-ə istinadən xəbər verir ki, nazir, hadisə ilə əlaqədar Rusiya mətbuatında yayılan məlumatlara da etiraz edib. Onun sözlərinə görə, Rusiya mətbuatı qəzanın səbəbləri ilə bağlı yalan məlumatlar yayıb və ehtimal olunur ki, bu, Rusiya tərəfinin mümkün cinayətlərinin sübutlarını gizlətmək məqsədini güdür. Sibiqa, zədələnmiş təyyarənin dənizdən keçməyə məcbur edilməsinin bu məqsədin bir hissəsi olduğunu irəli sürüb.

Ukrayna xarici işlər naziri, həmçinin qəzanın səbəblərini ədalətli və qərəzsiz şəkildə araşdırılmasını tələb edib:

“Biz günahkarların məsuliyyətə cəlb olunmasını təmin etmək üçün ədalətli və qərəzsiz araşdırma tələb edirik. Biz Rusiyanın yalan danışmasına, məsuliyyətdən yayınmasına və təqsirdən yayınmasına imkan verməməliyik,” -deyə Andrey Sibiqa əlavə edib.