Rusiya MN: Ukraynanın üç limanına zərbələr endirilib
Rusiya Silahlı Qüvvələri Ukraynanın Çernomorsk, Odessa və Oçakov limanlarında bir sıra obyektlərə zərbələr endirib.
Crossmedia.az bu barədə ˝TASS˝-a istinadən xəbər verir.
Rusiya Müdafiə Nazirliyinin məlumatına görə, Çernomorsk limanında yanacaq-sürtkü materialları olan rezervuarlara və liman infrastrukturuna zərbələr endirilib.
Odessa limanında hərbi əmlak daşıdığı və radioelektron mübarizə vasitələri ilə təchiz edildiyi bildirilən quru yük gəmisinin, eləcə də Ukrayna Silahlı Qüvvələri üçün yanacaq daşıyan tankerin vurulduğu açıqlanıb.
Nazirlik Nikolayev vilayətinin Oçakov limanında isə Ukraynaya məxsus patrul katerinin zərərsizləşdirildiyini bildirib.
18:38 12.08.2026
Oxunuş sayı: 40
