“Yeni kürd dövlətçiliyinin formalaşmasına izin verilməyəcək!“- Ekspert AÇIQLADI
Son dövrlərdə Türkiyənin Suriya ərazisində PKK, PYD və YPG qruplaşmalarına qarşı artan mübarizəsi diqqət mərkəzindədir.
Mövzu ilə bağlı siyasi şərhçi Zeynal Əmrəliyev Crossmedia.az-a açıqlamasında bildirib ki, PKK və onun uzantıları olan PYD və YPG qruplaşmaları Türkiyə və Suriya ərazisində böyük təhdiddir.
“Türkiyə haqlı olaraq bu terror qruplarını təmizləmək üçün fəaliyyət göstərir. Milli İstihbarat Təşkilatının başçısı İbrahim Kalın və XİN Hakan Fidanın Dəməşqə ziyarəti və yeni hakimiyyətin başçısı olan Əhməd Əl-Safa ilə keçirdiyi görüşlər məhz bu istiqamətdədir. Türkiyənin əsas istəyi, Suriyanın yeni hakimiyyətindən Türkiyəyə təhdid yaradan PYD və YPG-nin zərərsizləşdirilməsidir. Terror təşkilatlarına edilən dəstək Türkiyənin əleyhinədir və bölgədə yeni bir kürd dövlətçiliyinin formalaşmasına izin verməyəcək”.
Həmçinin ekspert vurğulayıb ki, bu, Türkiyənin ərazi bütövlüyünün təhdidi deməkdir.
“İstənilən halda, Türkiyə öz sərhədləri yaxınlığında belə bir rejimin yaranmasını istəmir. Buna görə də düşünürəm ki, lazımi səviyyədə addımlar atılacaq. Bura sərhəd əməliyyatı da daxildir. Yenidən həyata keçirilə bilər. Lazım gələrsə, sərhəd əməliyyatı da həyata keçirilə bilər”.
Samirə Şərif
10:39 27.12.2024
Oxunuş sayı: 15442
