Türkiyə hər zaman Suriyaya dəstək göstərib
Suriyada baş verən hadisələr beynəlxalq arenada geniş rezonans doğurdu. Qonşu Türkiyə isə bu prosesdə əsas dəstəkçilərdən biri kimi ön plana çıxdı. İlk gündən etibarən Türkiyə Suriyalıların yanında oldu və inqilabın qələbəsinə qədər onlara hərtərəfli yardım göstərdi. Bu, Türkiyənin regionda oynadığı strateji rolu bir daha göstərir.
Mövzu ilə bağlı siyasi şərhçi Kazım Kazımov Crossmedia.az-a verdiyi açıqlamada Türkiyənin Suriya xalq inqilabının ilk günlərindən etibarən xalqın tələblərinə dəstək verən əsas ölkələrdən biri olduğunu qeyd edib:
“Türkiyə Suriya xalq inqilabından ilk günlərindən etibarən xalqın tələblərinə hər zaman dəstək verən ölkə olmuşdur. İnqilabın qələbəsindən əvvəlki proseslərə baxdığımızda, Bəşər Əsədin zülmündən qaçan milyonlarla suriyalıya ev sahibliyi etmişdir”.
K.Kazımov həmçinin bildirib ki, həmin insanlar Türkiyədə digər ölkələrə nisbətdə daha rahat və təhlükəsiz şəraitdə yaşayıblar:
“Onlar bir çox məsələdə təmin edilmiş, yaxşı təhsil almış və sosial xidmətlərdən yararlanmışlar. Türkiyə hər zaman Suriyaya iqtisadi dəstək göstərib və bu dəstəyi davam etdirmək niyyətindədir”.
Samirə Şərif
13:01 25.12.2024
Oxunuş sayı: 8382
