Xarici xəbərlər
Ukrayna: Bir həftədə Rusiyanın “kölgə donanması”na məxsus 105 gəmi vurulub
Ukrayna Təhlükəsizlik və Müdafiə Qüvvələrinin Pilotsuz Sistemlər Qüvvələrinin komandanı Robert Brovdi iyulun 6–13-də Rusiyanın “kölgə donanması”na məxsus 105 gəminin vurulduğunu iddia edib.
Crossmedia.az xəbər verir ki, o, bu barədə Telegram kanalında paylaşım edib.
Brovdinin sözlərinə görə, qeyd olunan müddət ərzində Ukrayna qüvvələri Rusiyanın “kölgə donanması”na aid ümumilikdə 105 gəmini hədəfə alıb.
Komandan hücumların təfərrüatları, zərərin miqyası və ya istifadə olunan vasitələrlə bağlı əlavə məlumat verməyib.
Rusiya tərəfi isə bu iddialarla bağlı hələlik rəsmi açıqlama yaymayıb.
17:11 13.07.2026
Oxunuş sayı: 34
