“Bəs Yəmən bunları haradan əldə edir?” - Konfliktoloq AÇIQLAYIR
Yəməndən Tel-Əvivə endirilən raket zərbəsi, bölgədə yeni bir gərginlik dalğasının başlanğıcı ola bilər. Husilərin bu hərəkəti İsrail üçün böyük bir təhlükə yaradır. Bu hücumun arxasındakı motivlər və onun strateji əhəmiyyəti haqqında suallar isə hələ də cavabsız qalır.
Mövzu ilə bağlı konfliktoloq Elman Vəliyev Crossmedia.az-a açıqlama verib:
“Əminəm ki, Yəmən İsrail üçün növbəti hədəflərdən biridir. Husilər onlara böyük maneə törədir. Yəməndən Tel-Əvivə raket zərbəsi endirmək oyunun bir parçasıdır və bu, İsrailin xeyrinədir. İsrail deyəcək ki, Yəmən bizə hücum edir və bunun qarşılığını verəcəyik! Əlində bayraq edib asanlıqla istədiyini edə bilər. Bəlkə də, hücumları MOSSAD özü təşkil edib?! Pərdənin arxasında nələr baş verir, təəssüf ki, bilmək olmur. Yəməndən raket zərbəsi endirmək üçün Səudiyyə, İordaniya və Qırmızı Dənizin hava sahəsindən istifadə etmək olar”.
Həmçinin, Elman Vəliyev qeyd edib ki, indi məsələ burasındadır ki, hansı icazə verib ki, raket zərbəsi endirilsin?!
“Qırmızı dənizdən etdirmək daha məntiqli gəlir. Bunun üçün uzaqmənzilli raketlər lazımdır. Bəs Yəmən bunları haradan əldə edir? Çox güman İrandan əldə edib. Ya da qaçaqmalçılıqdan”.
Bu açıqlamalar, Yəmən və İsrail arasındakı gərginliyin daha da artacağını göstərir.
Samirə Şərif
10:25 21.12.2024
Oxunuş sayı: 9750
