Ərdoğandan Ukrayna ilə bağlı mühüm açıqlama: Danışıqlar yenidən başlayır?
Türkiyə Prezidenti Rəcəb Tayyib Ərdoğan Almaniya kansleri Fridrix Merzlə telefon danışığı zamanı bildirib ki, Ankara Rusiya ilə Ukrayna arasında sülh danışıqlarının bərpası və diplomatik prosesin yenidən fəallaşdırılması istiqamətində fəaliyyət göstərir.
Crossmedia.az xəbər verir ki, Türkiyə Prezident Administrasiyasının Kommunikasiya İdarəsinin məlumatına görə, Ərdoğan ölkəsinin Rusiya-Ukrayna müharibəsinin davamlı sülhlə başa çatması üçün səylərini davam etdirdiyini vurğulayıb.
Qeyd edək ki, 2025-ci ildə İstanbulda Rusiya və Ukrayna nümayəndə heyətləri arasında üç raund birbaşa danışıqlar keçirilib. Türkiyə hakimiyyəti dəfələrlə bəyan edib ki, Ukrayna üzrə növbəti danışıqlara və mümkün liderlər sammitinə yenidən ev sahibliyi etməyə hazırdır.
18:25 29.06.2026
Oxunuş sayı: 52
