Ermənistanda seçki böhranı dərinləşir? - Rəsmi qurumdan açıqlama
Ermənistan Mərkəzi Seçki Komissiyası (MSK) iyunun 7-də keçirilmiş parlament seçkilərinin nəticələrinin ləğvi üçün hüquqi əsasların olmadığını bəyan edib.
Crossmedia.az bu barədə xarici mediaya istinadən xəbər verir.
MSK sədrinin müavini Nune Ovannisyan bildirib ki, ayrı-ayrı seçki məntəqələrində qeydə alınan pozuntular seçkilərin ümumi nəticələrinin etibarsız sayılması üçün əsas ola bilməz.
O, Konstitusiya Məhkəməsində çıxışı zamanı vurğulayıb ki, seçkilər yalnız o halda etibarsız hesab edilə bilər ki, baş vermiş pozuntular MSK-nın səslərin real və obyektiv hesablanmasını həyata keçirməsinə imkan verməyəcək qədər genişmiqyaslı olsun.
Ovannisyanın sözlərinə görə, mövcud vəziyyətdə belə bir hal müşahidə olunmayıb və seçkilərin nəticələrinin ləğvi üçün hüquqi əsas yoxdur.
18:30 27.06.2026
Oxunuş sayı: 71
