ABŞ ordusu Britaniyadakı bazadan təyyarələrini təxliyə edib
ABŞ ordusu İrandan gəldiyi bildirilən təhdiddən sonra Böyük Britaniyadakı daha bir hərbi hava bazasından təyyarələrini təxliyə edib.
Crossmedia.az xəbər verir ki, “The Wall Street Journal” bu barədə məlumat yayıb.
Məlumata görə, bazar ertəsi RAF Mildenhall hərbi hava bazasında yerləşən iki ABŞ yanacaqdoldurma təyyarəsi Almaniyaya yönləndirilib. Günün sonrakı saatlarında isə bir neçə digər təyyarə də bazadan çıxarılaraq başqa məkanlara köçürülüb.
Bu addım ABŞ-nin RAF Fairford bazasından B-1 bombardmançı təyyarələrini geri çəkməsindən sonra atılıb. Həmin qərar sentyabr ayında İranla əlaqəli olduğu ehtimal edilən təhlükəsizlik hadisəsi ilə bağlı yeddi nəfərin saxlanılmasından sonra verilib.
Beləliklə, İran təhdidi ilə əlaqələndirilən təhlükəsizlik narahatlıqları Böyük Britaniyadakı ABŞ hərbi obyektlərində əlavə tədbirlərin görülməsinə səbəb olub.
10:25 10.11.2026
Oxunuş sayı: 43
