İsraiidən Yəmənə hava hücumları: Husi hədəfləri vuruldu
İsrail hərbi təyyarələri Yəməndəki Husi hədəflərinə qarşı genişmiqyaslı hava hücumları həyata keçirib. Bu hücumlar nəticəsində Hodeydah liman şəhərində azı doqquz nəfər həyatını itirib.
Bu barədə Crossmedia.az "The Guardian" qəzetinə istinadən xəbər verir.
Məlumatına əsasən, hücumlarda bir neçə döyüş təyyarəsi, yanacaq doldurma və kəşfiyyat təyyarələri iştirak edib. Bu hadisədən əvvəl İsrailin Husi döyüşçüləri tərəfindən son dövrlərdə, o cümlədən keçən həftə ərzində iki dəfə İsrailə qarşı hücumlar edildiyinə görə Yəməni hədəf alacağı barədə məlumatlar yayılıb.
Hücumlar Yəməndən İsrailə doğru atılmış bir raketdən sonra baş verib. İsrail hərbi qüvvələri, hava müdafiə sistemlərinin düzgün işləməməsinin, raketlərin bəzilərinin Ramat Gan ərazisindəki bir məktəbə düşməsinə səbəb olub-olmadığını araşdırdıqlarını bildirib. Bu, İsrailin bölgədəki müharibə zamanı Yəməni hədəf aldığı üçüncü hava hücumu olub. Hücumlar İranın dəstəklədiyi Husi qüvvələrinin fasilələrlə həyata keçirdiyi dron və raket hücumlarına cavab olaraq baş verib. Husi qüvvələri isə İsrailin Qəzza bölgəsinə endirdiyi zərbələrə və fələstinlilərin qətli ilə bağlı İsraili hədəf alıb.
Al-Masirah, Husi tərəfdarlarının müxalifət kanalı, Yəmənin paytaxtı Sanaa və Hodeydah şəhərlərində “aqressiv hücumlar” həyata keçirildiyini vurğulayıb.
Husi nümayəndəsi Yahya Saree, üsyançıların Tel-Əvivə yaxın olan Caffa bölgəsindəki “iki xüsusi və həssas hərbi hədəfi” hipersonik ballistik raketlərlə vurduqlarını iddia edib. Lakin bu raketin növü ilə bağlı iddialar təsdiqlənməyib.
İsrail hərbi qüvvələri, Yəməndəki Husi hərbi hədəflərinə, o cümlədən Sanaa şəhərindəki limanlar və enerji infrastrukturuna “dəqiq və strateji əhəmiyyətli zərbələr” endirdiyini açıqlayıb. İsrailin baş naziri Benyamin Netanyahu bildirib:
“Həmas, Hizbullah və Suriya rejimindən sonra, Husilər İranın pislik oxunun demək olar ki, son qoludur. Husilər öyrənəcəklər ki, İsraili hədəf alanlar bunun çox ağır qiymətini ödəyəcəklər.”
İsrail Müdafiə Qüvvələrinin (IDF) yayımladığı bəyanatda, müdafiə naziri İsrail Katz Husilərin liderlərinə xəbərdarlıq edib:
“İsrailin uzun əlindən siz də qaça bilməyəcəksiniz.”
IDF, həmçinin, Husilərin “İsraili beynəlxalq hüquqa zidd olaraq hücum etmələrini” qınayaraq, onların bölgənin sülhü və təhlükəsizliyi üçün ciddi təhdid yaratdığını bildirib.
İsrailin zərbələrindən sonra, Husi rəsmisi təşkilatın “eskalasiyaya eskalasiya ilə cavab verəcəyini” açıqlayıb.
Nabat Fərzəliyeva
18:38 19.12.2024
Oxunuş sayı: 17408
