Yaxın Şərq

Yəmən raketləri İsraili hədəfə alıb

İsrail hakimiyyəti Tel-Əviv və ətraf ərazilərdə siqnallar aktivləşdirib.

Crossmedia.az bildirir ki, IRNA cümə axşamı səhər İsrail mediasına istinad edərək xəbər verib ki, Tel-Əviv, Haşaron, Hertzliya və Holon bölgələrində təhlükə sirenləri səsləndirilib.

Media məlumatlarına görə, siqnalların işə düşməsinin səbəbi Yəməndən buraxılan “yer-yer” raketidir. Bəzi mənbələr işğal altındakı bəzi ərazilərdə güclü partlayış səslərinin eşidildiyini də bildiriblər. Hadisə ilə bağlı dərhal itki və ya zərər barədə məlumat verilməyib, raketin dəqiq haraya düşdüyü isə hələlik açıqlanmayıb.

Xatırladaq ki, bazar ertəsi günü də Yəmən tərəfindən həyata keçirilən raket hücumu nəticəsində Tel-Əviv və digər ərazilərdə siqnallar işə düşmüş, Ben Qurion Hava Limanı bağlanmışdı. İsrail hərbçiləri həmin hücum zamanı Yəməndən atılan raketlərdən birini zərərsizləşdirdiklərini iddia etmişdi.

Gültac Mehdizadə