"Arvad" anlayışı ilə bağlı qanunvericiliyə dəyişiklik təklif edilib
Milli Məclisin deputatı Bəhruz Məhərrəmov "arvad" anlayışı ilə bağlı qanunvericiliyə dəyişiklik təklif edib.
Crossmedia.az xəbər verir ki, o, bu təkliflə parlamentin bugünkü plenar iclasında "Gender bərabərliyinin təmin edilməsinə nəzarəti həyata keçirən icra hakimiyyəti orqanının 2025-ci ildə fəaliyyəti haqqında məlumatı"nın müzakirəsi zamanı çıxış edib.
O hesab edir ki, həmin anlayışla bağlı qanunvericiliyə, gələcəkdə isə Konstitusiyaya dəyişiklik edilməsi məqsədəuyğun olar:
"Qadınlar özlərinə bu cür müraciəti doğru hesab etmirlər. Qanunvericilikdə qadını hələ də "arvad" adlandırırıq. Ola bilsin, nə zamansa bu qəbulolunan ifadə olub, amma dil inkişafdadır, münasibətlərin inkişafı, təbii ki, semantikanın da transformasiyası deməkdir. Amma açıq deyək, bu gün heç bir xanım ona qeyd etdiyim ifadə ilə müraciət edilməsini arzulamaz. Ona görə də Ailə Məcəlləsi başda olmaqla, bütövlükdə qanunvericilikdə, o cümlədən gələcəkdə Konstitusiyada aidiyyatı dəyişikliyin aparılması yaxşı olar".
14:27 26.05.2026
Oxunuş sayı: 117
