Qismət Gözəlov: Bakı urbanizasiya və dayanıqlı inkişaf üzrə qlobal əməkdaşlıq platformasına çevrilib
Azərbaycanın Türkmənistandakı səfiri Qismət Gözəlov Aşqabadda keçirilən XXV "Ağ şəhər Aşqabad-2026" beynəlxalq sərgi və konfransında Bakının şəhərsalma, memarlıq, dayanıqlı inkişaf sahəsində həyata keçirdiyi layihələr və WUF13 tədbirinin həmiyyətindən danışıb.
Crossmedia.az Report-a istinadən xəbər verir ki, səfir Bakının COP29 və Ümumdünya Şəhərsalma Forumunun 13-cü sessiyası (WUF13) kimi nüfuzlu beynəlxalq tədbirlərə ev sahibliyi etməsinin Azərbaycanın qlobal platformalarda fəal rolunu, urbanizasiya sahəsində əməkdaşlığa verdiyi töhfəni və etibarlı tərəfdaş kimi mövqeyini nümayiş etdirdiyini bildirib.
Q.Gözəlov WUF13 çərçivəsində sürətli urbanizasiyanın şəhərlərə, iqlimə, iqtisadiyyatlara və idarəetmə proseslərinə təsirlərinin müzakirə olunduğunu, daha təhlükəsiz, dayanıqlı və inklüziv şəhərlərin qurulması üçün innovativ həllərin təqdim edildiyini vurğulayıb.
O bildirib ki, Arkadağ şəhərinin inşası üzrə Dövlət Komitəsinin sədri Deryageldi Orazovun rəhbərlik etdiyi nümayəndə heyətinin WUF13-də iştirak edib, həmçinin "Urban Expo" sərgisində həmçinin Türkmənistanın "Ağıllı şəhər – ağıllı gələcək" pavilyonu təqdim olunub.
Diplomat həmçinin Azərbaycanda, o cümlədən Qarabağda həyata keçirilən yenidənqurma və şəhərsalma layihələrinə toxunaraq, "ağıllı şəhər" və "ağıllı kənd" konsepsiyalarının tətbiqini, rəqəmsal infrastrukturun, enerji səmərəliliyinin və ekoloji monitorinq sistemlərinin inkişafını qeyd edib.
14:05 24.05.2026
Oxunuş sayı: 76
