Xarici xəbərlər

Makronun iranlı aktrisaya platonik sevgisi qalmaqala çevrilib

Fransa prezidenti Emmanuel Makron və həyat yoldaşı Bricit Makron ilə bağlı yeni iddialar Fransa mediasında və beynəlxalq mətbuatda rezonans doğurub.

Crossmedia.az xəbər verir ki, bu barədə məlumatı xarici media yayıb.

“Paris Match” jurnalının əməkdaşı Florian Tardifin müəllifi olduğu və “Təqribən mükəmməl bir cütlük” adlı kitabda Yelisey sarayının bəzi hadisələrlə bağlı rəsmi açıqlamalarının həqiqəti tam əks etdirmədiyi iddia olunur.

Kitabda yer alan iddialara görə, gərginliyin səbəbi Bricit Makronun prezidentin telefonunda iranlı aktrisa Qolşifte Fərahanıdan gələn mesajları görməsi olub. Müəllif həmçinin Makronun aktrisaya qarşı bir müddət “platonik maraq” göstərdiyini iddia edir.

İddialarda qeyd olunur ki, yazışmalarda “Sən çox gözəlsən” və “Səndən çox xoşum gəlir” kimi ifadələrin yer aldığı və bu mesajların cütlük arasında gərginliyə səbəb olduğu bildirilir.

Qeyd edək ki, bu məlumatlar kitab və jurnalist iddialarına əsaslanır və rəsmi təsdiqini tapmayıb.

🖨 Çap et

17:35 15.05.2026

Oxunuş sayı: 39