Bəşər Əsəd İranla Türkiyənin üsyançılara dəstəyini müzakirə edib
Suriya prezidenti Bəşər Əsəd dekabrın əvvəlində, hakimiyyətdən salınmazdan bir neçə gün əvvəl, İrana Türkiyənin islamçı üsyançıları aktiv şəkildə dəstəkləməsindən narahatlığını bildirib.
Crossmedia.az xəbər verir ki, İran xarici işlər naziri Abbas Araqçi ilə söhbətində, Əsəd Türkiyənin onun hakimiyyətini ələ keçirməyə çalışdığını qeyd edib.
Araqçi, Əsədə İranın dəstəyini davam etdirəcəyini bildirərək, vəziyyəti Türkiyə ilə müzakirə edəcəyinə söz verib. Bu söhbət dekabrın 1-də baş tutub, üsyançılar artıq İdlib və Hələbi ələ keçirmiş, Suriya ordusu isə hücuma keçməyi planlaşdırırdı.
İran, Türkiyənin fəaliyyətlərindən və ABŞ ilə İsrailin planlarına dəstəyindən narahatlığını ifadə edib. Cavab olaraq Türkiyə, Əsədi münaqişəni diplomatik yollarla həll etməyə çalışmamaqda ittiham edib.
Gültac Mehdizadə
11:01 15.12.2024
Oxunuş sayı: 12677
