Xarici xəbərlər

İranın hərbi təyyarələri ilə bağlı qalmaqallı iddia

İranın öz hərbi və mülki aviasiya vasitələrini ABŞ-ın mümkün zərbələrindən qorumaq məqsədilə Pakistan və Əfqanıstana köçürdüyü iddia olunur.

Crossmedia.az xəbər verir ki, bu barədə məlumatı xarici media yayıb.

Məlumata görə, İranyə məxsus hərbi təyyarələr Pakistanın paytaxtı İslamabadın cənubunda yerləşən “Nur Xan” Hərbi Hava Bazasına yerləşdirilib. Bildirilir ki, “C-130” tipli hərbi nəqliyyat təyyarəsi əsasında yaradılmış “RC-130” kəşfiyyat təyyarəsi də həmin bazaya aparılıb.

Mənbələrin iddiasına görə, İranın “Mahan Hava Yolları” şirkətinə məxsus bir neçə təyyarə hərbi əməliyyatlar başlamazdan əvvəl Əfqanıstanın paytaxtı Kabildə yerləşdirilib və İran hava məkanının bağlanmasından sonra orada qalıb.

Daha sonra Pakistan və Əfqanıstan arasındakı gərginlik səbəbindən həmin təyyarələrin Herat hava limanına köçürüldüyü iddia olunur.

Pakistan tərəfi bu məlumatları təkzib edərək, “Nur Xan” bazasının şəhər ərazisində yerləşdiyini və böyük təyyarələrin orada gizlədilməsinin mümkün olmadığını bildirib.

Taliban sözçüsü Zəbihullah Mücahid də Əfqanıstanda İran təyyarələrinin yerləşdirilməsi ilə bağlı iddiaları rədd edib.

🖨 Çap et

12:17 12.05.2026

Oxunuş sayı: 66