KİV: Qalibafın oğlu Avstraliyada əmlakdan gəlir əldə edib
İran parlamentinin sədri Məhəmməd Bağir Qalibafın oğlu İshaq Qalibafın Avstraliyadakı fəaliyyəti ilə bağlı yeni iddialar irəli sürülüb.
Crossmedia.az xəbər verir ki, bu barədə “The Guardian” qəzetinin bu gün yayımladığı məlumatda qeyd olunub.
Nəşrin yazdığına görə, İshaq Qalibaf Melburn Universitetində fəaliyyət göstərən bir tədqiqat mərkəzi ilə əlaqədə olub və eyni zamanda Avstraliyanın daşınmaz əmlak bazarına investisiya yatırıb.
Məlumata əsasən, Qalibaf Avstraliyada olduğu müddətdə Melburnda ən azı bir əmlakı icarəyə verərək gəlir əldə edib.
Bildirilir ki, o, bu dövrdə uzunmüddətli Avstraliya yaşayış icazəsi də ala bilib.
Nəşr qeyd edir ki, bu proses onun viza müraciətinin Kanada tərəfindən iki dəfə rədd edildiyi dövrə təsadüf edib.
20:25 11.05.2026
Oxunuş sayı: 47
