Şimali Koreya Rusiyanın Ukraynaya qarşı müharibəsindən külli miqdarda qazanc əldə edib
Şimali Koreya Rusiyanın Ukraynaya qarşı müharibəsindən 14 milyard dollara qədər qazanc əldə edib.
Crossmedia.az xəbər verir ki, bu barədə "Nikkei Asia" məlumat yayıb.
Cənubi Koreyalı analitiklərin fikrincə, silah, raket təchizatı və Şimali Koreya qoşunlarının yerləşdirilməsi ölkənin lideri Kim Çen İn rejiminə ölkənin illik Ümumi Daxili məhsulu ilə müqayisə edilə bilən məbləğ qazandırıb.
Pxenyan təkcə raket artilleriyası və təxminən 250 KN-23 raketinin təchizatı üçün 7 ilə 13,8 milyard dollar arasında qazanc əldə edə bilərdi.
Tədqiqatçıların fikrincə, Rusiya Şimali Koreya qoşunlarının iştirakı üçün əlavə 600 milyon dollar ödəyib. Hazırda cəbhə xəttində təxminən 10.000 Şimali Koreya xüsusi təyinatlı əsgəri və eyni sayda mühəndis və dron operatoru var.
Analitiklərin fikrincə, İn tezliklə Rusiyaya top yemi kimi 30.000-ə qədər əsgər göndərməyi planlaşdırır.
19:42 11.05.2026
Oxunuş sayı: 43
