Putin: Ermənistan Aİ-yə yaxınlaşarsa, “sivil ayrılıq” mümkündür
Vladimir Putin Ermənistanın Avropa İttifaqı ilə yaxınlaşma və mümkün üzvlük planlarının “xüsusi yanaşma” tələb etdiyini bildirib.
Crossmedia.az xarici mediaya istinadən xəbər verir ki, Rusiya prezidenti Ermənistan hakimiyyətinin Avropa İttifaqına qoşulma məsələsini referendum vasitəsilə xalqın müzakirəsinə çıxara biləcəyini qeyd edib. Onun sözlərinə görə, əgər vətəndaşların əksəriyyəti bu kursu dəstəkləsə, Rusiya Ermənistanla “sivil ayrılıq” prosesinə başlaya bilər.
Putin əlavə edib ki, Moskva erməni xalqı üçün faydalı olacaq bütün qərarları dəstəkləyəcək.
O, həmçinin vurğulayıb ki, Ukrayna ilə bağlı proseslər də vaxtilə avrointeqrasiya mövzusu ətrafında başlamışdı.
15:35 10.05.2026
Oxunuş sayı: 54
