Trampdan gözlənilməz addım: Rusiya və Ukrayna 3 günlük atəşkəsə razılaşıb
ABŞ Prezidenti Donald Tramp Rusiya ilə Ukrayna arasında 9–11 may tarixlərini əhatə edən üç günlük atəşkəs barədə razılıq əldə olunduğunu açıqlayıb.
Crossmedia.az xəbər verir ki, bu barədə məlumatı xarici media yayıb.
Tramp bununla bağlı verdiyi açıqlamada atəşkəsin bütün aktiv hərbi əməliyyatların dayandırılmasını və tərəflər arasında hər ölkədən 1000 əsirin mübadiləsini nəzərdə tutduğunu bildirib.
Onun sözlərinə görə, təşəbbüs birbaşa özü tərəfindən irəli sürülüb və Rusiya Prezidenti Vladimir Putin ilə Ukrayna Prezidenti Volodimir Zelenski bu razılığa müsbət yanaşıblar.
Tramp qeyd edib ki, Rusiya Qələbə Gününü qeyd etdiyi kimi, Ukrayna da İkinci Dünya Müharibəsində mühüm rol oynadığı üçün həmin tarixi qeyd edir.
ABŞ prezidenti ümid etdiyini bildirib ki, bu addım uzun müddətdir davam edən müharibənin sona çatmasına doğru başlanğıc olacaq. O əlavə edib ki, tərəflər arasında danışıqlar davam edir və sülhə hər gün daha da yaxınlaşılır.
09:17 09.05.2026
Oxunuş sayı: 35
