Xarici xəbərlər

Tramp: Qapalı qapılar arxasında başqa cür davranırlar

ABŞ prezidenti Donald Tramp İranla aparılan danışıqlara dair diqqətçəkən açıqlamalar verib.

Crossmedia.az xarici mediaya istinadən xəbər verir ki, Tramp tanınmış siyasi şərhçi Hyu Hevitə müsahibəsində İran nümayəndələrinin ictimai bəyanatlarla qapalı danışıqlardakı davranışlarının fərqli olduğunu bildirib.

Onun sözlərinə görə, Tehran rəsmiləri mediada sərt ritorika nümayiş etdirsələr də, danışıqlar masasında daha fərqli və yumşaq mövqe sərgiləyirlər.

“İranlılar qapalı qapılar arxasında başqa cür davranırlar,” – deyə Tramp qeyd edib.

ABŞ prezidenti həmçinin İranın mümkün gələcək rəhbərliyi ilə bağlı suallara cavabında “Nə olacağını görəcəyik” ifadəsini işlədib.

Tramp müsahibə zamanı İran rəsmilərinin bir tərəfdən razılaşma istədiklərini iddia etdiyini, digər tərəfdən isə bunu açıq şəkildə inkar etdiklərini də vurğulayıb.

O əlavə edib ki, hazırkı mərhələdə İranın hərbi imkanlarının məhdud olduğunu düşünür.

🖨 Çap et

16:13 05.05.2026

Oxunuş sayı: 49