Xarici xəbərlər

Hörmüz boğazında gərginlik: Gəmilər geri çəkilir

İrandan artan təzyiqlər fonunda Hörmüz boğazında gəmiçilik fəaliyyəti kəskin şəkildə dəyişib.

Crossmedia.az xəbər verir ki, "Bloomberg" nəşrinin məlumatına görə, bir sıra gəmilər təhlükəsizlik səbəbilə boğazdan geri çəkilərək Dubay sahillərinə yönəlib.

Bildirilib ki, bazar ertəsindən etibarən Dubay yaxınlığındakı əraziyə təxminən 60 müxtəlif tipli gəmi daxil olub. Bu göstərici müharibə başlayandan bəri qeydə alınan ən yüksək səviyyələrdən biri hesab olunur. Hazırda həmin zonada ən azı 363 gəmi cəmləşib. Müqayisə üçün qeyd edək ki, əvvəlki yeddi gün ərzində bu rəqəm orta hesabla 294 olub.

Məlumata görə, Dubay İran tərəfindən Hörmüz boğazı üzərində yaradılan yeni nəzarət zonasından kənarda yerləşir. Bu səbəbdən gəmilər daha təhlükəsiz hesab etdikləri bu istiqamətə yönəlir.

ABŞ regionda qüvvələr balansını qorumağa çalışdığı halda, İran da buna cavab addımları atır. Ekspertlər vəziyyətin getdikcə daha da gərginləşdiyini və yaxın vaxtlarda boğazdan ikitərəfli gəmiçiliyin tam bərpasının çətin olacağını bildirirlər.

🖨 Çap et

15:14 05.05.2026

Oxunuş sayı: 50