Belarus XİN Simonyana sərt cavab verdi: Mühazirə oxumağa imkan verməyəcəyik
Belarus Xarici İşlər Nazirliyi Ermənistan Parlamentinin spikeri Alen Simonyan-ın “Ermənistan əyalətə çevrilməməli və Belarus kimi idarə olunmamalıdır” bəyanatına münasibət bildirib.
Crossmedia.az xəbər verir ki, bu barədə xarici media məlumat yayıb.
Rəsmi Minsk bu açıqlamanı “seçkiqabağı populizm və daxili problemlərdən diqqəti yayındırmaq cəhdi” kimi qiymətləndirib.
Nazirliyin bəyanatında qeyd olunub ki, Belarus Rusiya ilə müttəfiqlik münasibətlərinin formatını suveren şəkildə müəyyən edən dövlətdir və bu əməkdaşlıqdan məmnundur.
Həmçinin vurğulanıb ki, heç bir tərəf Belarusa “mühazirə oxuya bilməz” və ölkənin daxili siyasətinə müdaxilə cəhdləri diplomatik etikanın pozulmasıdır.
11:40 05.05.2026
Oxunuş sayı: 89
