Xarici xəbərlər

ABŞ və Körfəz ölkələri Hörmüz boğazı ilə bağlı yeni BMT qətnaməsi hazırlayır

ABŞ Fars körfəzi ölkələri ilə birlikdə BMT Təhlükəsizlik Şurası çərçivəsində İranın Hörmüz boğazı ilə bağlı addımlarını pisləyən yeni qətnamə layihəsi hazırlayır.

Crossmedia.az xəbər verir ki, bu barədə ABŞ-nin BMT-dəki səfiri Conatan Valts məlumat verib.

Onun sözlərinə görə, sənəd İranın boğazı bağlaması ilə bağlı beynəlxalq narahatlıqlara cavab olaraq hazırlanır.

Bildirilib ki, qətnamə üzrə danışıqlar bu həftə başlayacaq. Daha əvvəl Rusiya və Çin naviqasiya azadlığını təmin etməyə yönəlmiş oxşar təşəbbüsü bloklamışdı.

Yeni layihə Bəhreyn, Küveyt, Qətər, Birləşmiş Ərəb Əmirlikləri və Səudiyyə Ərəbistanı ilə birgə hazırlanır.

Qətnamədə İrandan ticarət gəmilərinə hücumları dayandırmaq, dəniz minalarının yerləşdirilməsinə son qoymaq, boğazdan keçid üçün rüsum tətbiq etməmək və artıq yerləşdirilmiş minaların yerlərini açıqlamaq tələb olunur.

Səfir qeyd edib ki, sənəd “daha dar fokusda” hazırlanıb və İranla mövcud atəşkəs fonunda beynəlxalq ticarətə, xüsusilə Asiya iqtisadiyyatlarına yönələn təhdidlərə diqqət çəkir.

🖨 Çap et

10:17 05.05.2026

Oxunuş sayı: 60