Koşta: Avropa Siyasi Birliyinin Zirvə toplantısı ilk dəfə Cənubi Qafqazda keçirilib
Avropa İttifaqı Şurasının Prezidenti Antonio Koşta Avropa Siyasi Birliyinin Zirvə toplantısı çərçivəsində Ermənistanın paytaxtı İrəvanda çıxış edib.
Crossmedia.az bu barədə xarici mediaya istinadən xəbər verir.
O, Ermənistanın baş naziri Nikol Paşinyana ev sahibliyinə və qonaqpərvərliyə görə təşəkkür edərək bildirib ki, 40-dan çox Avropa liderinin bir araya gəlməsi mühüm diplomatik hadisədir.
Koşta vurğulayıb ki, Ermənistanın bu sammitə ev sahibliyi etməsi ölkənin geosiyasi istiqamətini nümayiş etdirir və Avropa İttifaqı ilə əməkdaşlığın dərinləşdiyini göstərir. Onun sözlərinə görə, tərəflər bu yolda birlikdə irəliləyir və sabah ilk dəfə Aİ–Ermənistan sammiti keçiriləcək.
O, həmçinin qeyd edib ki, Avropa Siyasi Birliyi Zirvəsi ilk dəfə Cənubi Qafqazda keçirilib və bu görüş regionda sülh və diplomatiya baxımından mühüm mərhələ kimi qiymətləndirilir.
Bəyanatda Azərbaycanın Prezidenti İlham Əliyevin videobağlantı vasitəsilə sammitdə iştirak etdiyi də qeyd olunub.
Koşta bu prosesləri gərginliklərin artdığı qlobal şəraitdə tarixi fürsət kimi dəyərləndirib.
17:53 04.05.2026
Oxunuş sayı: 52
