Xarici xəbərlər

Suriyada din xadiminin qətli ilə bağlı İran şübhələri ARTIR

Suriyada din xadiminin öldürülməsi ilə bağlı araşdırmalar davam edərkən hadisə ətrafında İranla əlaqəli şübhələrin artdığı bildirilir.

Crossmedia.az bu barədə xarici mediaya istinadən xəbər verir.

Dövlət televiziyasının məlumatına görə, Dəməşqin cənubunda yerləşən Həzrət Zeynəb ziyarətgahının imamı Fərhan Həsən əl-Mənsur avtomobilə yerləşdirilən partlayıcı qurğunun işə düşməsi nəticəsində həlak olub. Hadisənin ötən həftənin cümə günü baş verdiyi qeyd edilir.

Suriya Daxili İşlər Nazirliyi açıqlamasında sui-qəsdin dini və ictimai xadimləri hədəf aldığını, məqsədin isə məzhəb qarşıdurması yaratmaq və ölkədə sabitliyi pozmaq olduğunu bildirib.

“Əş-Şərq Əl-Əvsət” qəzetinin Dəməşqdəki mənbələrə istinadla yaydığı məlumata görə, öldürülən ruhani Suriya hökuməti ilə əməkdaşlıq edərək şiə icması daxilində sabitliyin gücləndirilməsi istiqamətində fəaliyyət göstərib. Bu fəaliyyətin isə onu bəzi dairələrin hədəfinə çevirdiyi, həmin dairələrin İranla əlaqəli qruplarla bağlı olduğu iddia edilir.

🖨 Çap et

14:12 04.05.2026

Oxunuş sayı: 257