Xarici xəbərlər

ABŞ–Avropa xəttində GƏRGİNLİK ARTIR: Trampın qərarı Brüsseli HƏRƏKƏTƏ KEÇİRDİ

ABŞ ilə Avropa arasında münasibətlər sürətlə pisləşməkdə davam edir.

Crossmedia.az xəbər verir ki, bu barədə “Politico” nəşri məlumat yayıb.

Buna səbəb kimi ABŞ prezidenti Donald Trampın Avropa İttifaqından idxal olunan avtomobillərə 25% rüsum tətbiq etmək planı göstərilir.

Məlumata əsasən, Avropa Komissiyası gələn həftə bu addıma qarşı sərt cavab tədbirləri hazırlayır. Brüssel öz iqtisadi maraqlarını qorumaq üçün müxtəlif variantları nəzərdən keçirir.

Avropa Parlamentinin Ticarət Komitəsinin rəhbəri Bernd Lange ABŞ-nin addımlarını kəskin tənqid edib. O bildirib ki, Vaşinqtonun bu siyasəti tərəfdaşlıq münasibətlərinə ziddir və qəbulolunmazdır.

Lange qeyd edib ki, bu cür qərarlar ABŞ-nin etibarlılığına ciddi zərbə vurur və Avropa İttifaqı buna qəti və aydın şəkildə cavab verməlidir.

Avropa Komissiyasının sözçüsü isə bildirib ki, Aİ öz maraqlarını müdafiə etmək üçün bütün mümkün addımları nəzərdən keçirməyə hazırdır.

🖨 Çap et

16:48 02.05.2026

Oxunuş sayı: 47