Xarici xəbərlər

İran rəsmisi: Suriyada hücumdan İsrail və ABŞ məsuldur

İran Xarici İşlər Nazirliyinin sözçüsü İsmayıl Bəqayi Dəməşqin cənub-şərqində yerləşən Seyid Zeynəb məhəlləsində baş verən hücumla bağlı İsrail və ABŞ-ı ittiham edib.

Crossmedia.az xəbər verir ki, bu barədə məlumatı xarici media yayıb.

Məlumata görə, hücum nəticəsində müsəlman alim və Seyid Zeynəb ziyarətgahının cümə namazı imamı Seyid Fərhan Həsən əl-Mənsur həyatını itirib.

Bəqayi hadisəni sərt şəkildə pisləyərək bildirib ki, dini məkanlara və alimlərə qarşı hücumlar regionda gərginliyin artırılmasına yönəlmiş “şeytani planların” bir hissəsidir.

O, həmçinin bütün tərəfləri ayıq-sayıq olmağa və terrorizmə qarşı mübarizəni gücləndirməyə çağırıb.

Qeyd edib ki, Suriya keçid hökuməti ölkədə yaşayan bütün vətəndaşların və dini icmaların təhlükəsizliyini təmin etmək məsuliyyəti daşıyır.

🖨 Çap et

17:23 02.05.2026

Oxunuş sayı: 43