Xarici xəbərlər

İranın kripto nəhəngi ilə hakimiyyət arasında əlaqə iddiaları var

İranın ən böyük kriptovalyuta birjalarından biri olan Nobitex ilə ölkənin siyasi və iqtisadi strukturlarında yüksək mövqelərə malik şəxslər arasında əlaqələrin olduğu iddia edilir.

Crossmedia.az xəbər verir ki, bu barədə "Reuters" xəbər agentliyi məlumat yayıb.

Məlumata əsasən, birjanın İranın hakim dairələrinə yaxınlığı ilə tanınan biznes ailələrindən biri tərəfindən təsis edildiyi bildirilir.

Araşdırmada qeyd olunur ki, qeydiyyat sənədləri və blokçeyn məlumatlarının təhlili Nobitex-in İranın siyasi və iqtisadi elitası ilə geniş şəbəkəyə malik ola biləcəyini göstərir.

Hesabatda həmçinin keçmiş xarici işlər naziri və Xarici Əlaqələr üzrə Strateji Şuranın rəhbəri Kamal Xərrazi ilə mümkün əlaqələrə dair iddialara da yer verilib.

Məsələ ilə bağlı rəsmi tərəflərdən əlavə açıqlama verilməyib.

🖨 Çap et

16:38 02.05.2026

Oxunuş sayı: 39