ABŞ-nin Ukraynaya silah tədarükündə gecikmələr yaranıb
ABŞ-nin Ukraynaya və Avropadakı müttəfiqlərinə silah tədarükü İrandakı müharibə fonunda ləngiyir.
Crossmedia.az xəbər verir ki, bu barədə məlumatı "Financial Times" nəşri yayıb.
Nəşrin yazdığına əsasən, fasilələr münaqişənin ilk həftələrindən başlayıb. Bildirilir ki, Kiyevə göndərilən bəzi təchizatlar gecikmə ilə çatır, bəzən isə kütləvi zərbələr zamanı “Patriot” hava hücumundan müdafiə sistemləri raketsiz qalır.
Vaşinqtonun Böyük Britaniya, Polşa və Baltikyanı ölkələr də daxil olmaqla Avropa müttəfiqlərinə də HIMARS və NASAMS kimi sistemlərin tədarükündə ciddi gecikmələr barədə xəbərdarlıq etdiyi qeyd olunur.
Səbəb kimi İranda hərbi əməliyyatlar zamanı silah ehtiyatlarının azalması göstərilir. Pentaqonun çatışmazlığı kompensasiya etmək üçün digər bölgələrdən resursları yenidən bölüşdürdüyü bildirilir.
FT yazır ki, bu vəziyyət Ukrayna üçün riskləri artırır və Avropada ABŞ tədarükündən asılılıqla bağlı narahatlıq yaradır.
11:20 02.05.2026
Oxunuş sayı: 53
