Ukrayna qeyd- şərtsiz atəşkəsə hazır olduğunu bildirib
Kiyev Rusiyadan 9 may atəşkəsi ilə bağlı heç bir rəsmi təklif almayıb.
Crossmedia.az xəbər verir ki, bunu Ukraynanın xarici işlər naziri Andrey Sibiqa deyib.
"Bu, rusların amerikalıları razı salmaq, konstruktivizm elementini nümayiş etdirmək üçün etdiyi növbəti cəhddir. Ukrayna prezidenti Volodimir Zelenski açıq şəkildə bildirib ki, bu günə qədər Ukrayna tərəfi onlardan heç bir təklif almayıb", - deyə o qeyd edib.
Sibiqanın sözlərinə görə, Ukrayna sülh səylərinə sadiqdir və qeyd-şərtsiz atəşkəsə hazırdır, lakin hazırda Rusiya tərəfindən belə bir təklif alınmayıb.
O bildirib ki, Kiyev müharibəyə son qoymaq və davamlı atəşkəsə nail olmaq üçün yollar tapmağa diqqət yetirməyin vacibliyinə inanır.
O, həmçinin mümkün müvəqqəti atəşkəsləri siyasi və diplomatik manevr cəhdi kimi xarakterizə edərək, Ukraynanın onları Rusiyanın informasiya təsiri və daxili təbliğat vasitəsi kimi gördüyünü vurğulayıb.
19:32 01.05.2026
Oxunuş sayı: 44
