Qəzzaya gedən donanma saxlanıldı - 15 gəmi ələ keçirildi
İsrailin xarici işlər naziri Gideon Saar bildirib ki, İsrail hərbçiləri Qəzza zolağına dəniz blokadasını yarmaq cəhdlərinin qarşısını alıb.
Crossmedia.az xəbər verir ki, nazirin sözlərinə görə, “blokadanı yarmaq” məqsədi ilə Qəzzaya doğru hərəkət edən fələstinyönümlü “Qlobal Sumud Donanması”nın 58 gəmisindən 15-i İsrail tərəfindən ələ keçirilib.
Hadisə beynəlxalq reaksiyalara səbəb olub. İspaniya İsrailin Madriddəki müvəqqəti işlər vəkilini Xarici İşlər Nazirliyinə çağıraraq etirazını bildirib və əməliyyatı qətiyyətlə pisləyib.
Türkiyə Xarici İşlər Nazirliyi isə açıqlamasında əməliyyatı “beynəlxalq sularda həyata keçirilən dəniz quldurluğu aktı” kimi qiymətləndirib.
16:50 01.05.2026
Oxunuş sayı: 50
