Macarıstan səfiri Qarabağdakı inkişafı yüksək qiymətləndirdi
Macarıstanın Azərbaycandakı səfiri Tamaş Torma bildirib ki, Qarabağa etdiyi hər səfər zamanı regionda nəzərəçarpan dəyişikliklər müşahidə olunur.
Crossmedia.az -ın məlumatına görə, diplomat qeyd edib ki, bu, onun Qarabağa ilk səfəri deyil və artıq bölgəyə 10-15 dəfə səfər edib. Onun sözlərinə görə, bütün səfərlər yüksək səviyyədə təşkil olunur və hər dəfə regionda fərqli inkişaf müşahidə edilir.
Səfir işğaldan azad edilmiş ərazilərdə aparılan bərpa və quruculuq işlərini yüksək qiymətləndirib.
“Fürsətdən istifadə edərək, bu inkişafa görə səmimi təbriklərimi və minnətdarlığımı bildirmək istəyirəm”, – deyə o əlavə edib.
15:30 01.05.2026
Oxunuş sayı: 51
