Yaxın Şərq
“Hizbullah İsrail üçün “dişli” rəqibdir” - Konfliktoloq AÇIQLAYIR
ABŞ Mərkəzi Komandanlığının rəhbəri General Maykl Kurillanın Livana səfəri, bölgədəki təhlükəsizliyi və sabitliyi artırmaq üçün vacib bir addımdır. Bu səfər, ABŞ və Livan Ordusu arasındakı əlaqələri gücləndirməyə yönəlib və regionda atəşkəsin möhkəmləndirilməsinə kömək edə bilər. General Kurilla və Livan Ordusu komandanı Cozef Aun arasında keçirilən görüşlər, yaxın zamanda bölgədə ciddi təsir göstərə bilər.
Mövzu ilə bağlı konfliktoloq Elman Vəliyev Crossmedia.az-a açıqlama verib:
“Kurillanın səfəri Amerikanın yeni addımlarından xəbər verir. Orta Şərqdə əsas söz sahibi Amerikadır. Demək olar ki, hər addımdan bir hərbi bazası var. Generalın səfəri İsrail ilə Hizbullah atəşkəsinə nəzarət xarakterlidir. İsrail Suriyadan da istədiyi aldı, ancaq Livandan ala bilmədi. Hizbullah İsrail üçün “dişli” rəqibdir. Əminəm ki, Livanı blokadada saxlamağa çalışacaqlar. Onlar arasındakı atəşkəs “suya yazı yazmağa” bənzəyir. Böyük İsrail dövləti layihəsini icra edirlər. Ən böyük dəstəkçisi isə Amerikadır. Trampın andiçməsindən sonra Orta Şərq daha da qaynayacaq və iki nöqtəyə fokuslanacaq:
1. İsrailin genişlənməsi.
2. Qərbin və Çinin təsir gücünün zəiflədilməsi”.
Samirə Şərif
09:55 12.12.2024
Oxunuş sayı: 13906
