Xarici xəbərlər

Kobaxidze: Gürcüstan sabit inkişaf yolundadır

Gürcüstan bu gün inkişafla bağlı aydın baxışı olan və xalqın iradəsinə əsaslanan dövlətdir.

Crossmedia.az gürcü mediasına istinadən xəbər verir ki, baş nazir bu fikirləri “Gürcü Arzusu” partiyasının 14 illiyi münasibətilə səsləndirib.

Kobaxidze bildirib ki, 2012-ci ilə qədər ölkə sistemli problemlərlə üzləşib, lakin hakimiyyət dəyişikliyindən sonra geniş islahatlara başlanılıb. Onun sözlərinə görə, məhkəmə sistemi daha şəffaf hala gətirilib, vətəndaş hüquq və azadlıqları gücləndirilib.

Baş nazir həmçinin hüquq-mühafizə orqanlarında siyasi təsirin aradan qaldırıldığını, onların qanun çərçivəsində fəaliyyət göstərdiyini qeyd edib.

İqtisadi sahəyə toxunan Kobaxidze ölkədə sabit və proqnozlaşdırıla bilən iqtisadi mühitin formalaşdığını, biznesə təzyiq risklərinin azaldığını və investisiyaların artdığını bildirib.

O, səhiyyə sahəsində də dəyişikliklərdən danışaraq universal səhiyyə proqramının tətbiq edildiyini, sosial təminatların genişləndirildiyini və yoxsulluğun azaldığını qeyd edib.

Baş nazir sonda vurğulayıb ki, əsas vəzifə xarici təzyiqlərə baxmayaraq ölkənin suverenliyini və müstəqil siyasi kursunu qorumaqdır.

🖨 Çap et

18:40 21.04.2026

Oxunuş sayı: 45