Xarici xəbərlər

Fransa və Almaniya Ukrayna üçün Aİ-də yeni model irəli sürür

Fransa və Almaniya Ukraynanın tamhüquqlu üzvlüyündən əvvəl keçid mərhələsini nəzərdə tutan alternativ inteqrasiya modelləri irəli sürüblər.

Crossmedia.az xəbər verir ki, bu barədə "Financial Times" nəşri məlumat yayıb.

Berlinin təklifinə əsasən, Ukraynaya “assosiativ üzvlük” statusu verilə bilər. Bu model Kiyevə nazirlər səviyyəsində görüşlərdə və liderlərin sammitlərində iştirak imkanı yaratsa da, səsvermə hüququ və ya Avropa İttifaqı büdcəsinə avtomatik çıxış nəzərdə tutmur. Eyni zamanda, Ukrayna veto hüququ əldə etməyəcək.

Paris isə “inteqrasiya olunmuş dövlət statusu” adlandırılan oxşar bir yanaşma təklif edir. Bu çərçivədə Ukraynanın Aİ-nin əsas maliyyə mexanizmlərindən, o cümlədən Ümumi Kənd Təsərrüfatı Siyasəti (CAP) çərçivəsində subsidiyalar və birlik fondlarından istifadəsi tam üzvlük əldə olunana qədər təxirə salınacaq. Bu modeldə də Ukraynaya veto hüququ verilməyəcək.

Təklif olunan hər iki yanaşma Ukraynanın Aİ ilə daha sıx inteqrasiyasını sürətləndirməyi hədəfləsə də, tam üzvlük hüquqlarını dərhal təmin etmir.

🖨 Çap et

15:52 21.04.2026

Oxunuş sayı: 83