Suriyada baş verənlər SEPAH-da fikir ayrılıqları yaradıb
Bəşər Əsəd rejiminin süqutundan sonra SEPAH daxilində ciddi fikir ayrılıqları yaranıb.
Crossmedia.az Amerikanın səsi-nə istinadən xəbər verir ki, SEPAH-ın bəzi generalları İranın bölgədə nüfuzunu itirəcəyindən narahatdır və bir-birlərini günahlandırırlar.
Adı açıqlanmayan SEPAH rəsmisi bildirib ki, heç kim Əsədin qaçacağını düşünməyib. Onun sözlərinə görə, İran rejimi Suriya vasitəsilə İsrail və Hizbullahla əlaqələrini qorumaq məqsədilə Əsədin hakimiyyətdə qalmasına çalışıb.
İran Əsəd rejimini dəstəkləmək üçün milyardlarla dollar xərcləyib və Suriya İrandan Hizbullaha silah tədarükü üçün əsas marşrut rolunu oynayıb.
SEPAH daxilində xüsusilə Qüds qanadının komandanı İsmayıl Qaaniyə qarşı ittihamlar səsləndirilir. Rəsmilər Qaanini Əsəd ordusunun dağılmasına göz yummaqda və İranın maraqlarını qorumaq üçün lazımi addımları atmamaqda təqsirləndirirlər. İddialara görə, o, vəziyyəti yalnız Tehrandan izləyib və heç bir ciddi tədbir görməyib.
16:53 11.12.2024
Oxunuş sayı: 7435
