İran Parlamentində SEPAH Baş Komandanı ilə qapalı iclas
Dünən İran parlamentinin Rəyasət Heyətinin üzvü Əhməd Naderi SEPAH-ın baş komandanı general Hüseyn Səlami ilə qapalı iclas keçirildiyini açıqlayıb.
Crossmedia.az xəbər verir ki, bu barədə İranın ISNA xəbər agentliyi məlumat yayıb.
İclasda İranın bölgədəki hərbi strategiyası, İsrailə qarşı əməliyyatları, eləcə də Suriyada Əsəd rejiminin süqutu və regionun gələcəyi kimi mühüm məsələlər müzakirə mövzusu olub.
Əhməd Naderi iclasla bağlı verdiyi açıqlamada bildirib ki, “Əsəd hökumətinin süqutundan əvvəlki son ana qədər İranın hərbi müşavirləri və qüvvələri Suriyada fəaliyyət göstəriblər. Lakin hazırda Suriyada İran qüvvələri mövcud deyil.”
İranın bölgə siyasətində SEPAH-ın və hərbi qüvvələrin rolu ilə bağlı bu kimi müzakirələr regiondakı gərginliklər fonunda xüsusi əhəmiyyət kəsb edir.
Aytac Bəhruzqızı
16:35 11.12.2024
Oxunuş sayı: 8982
