Suriya müxalifətinin komandiri məzhəbçiliyin sona çatdığını bəyan edib
Suriya silahlı müxalifətinin komandiri Həsən Əbdül-Qani müxalifətin əhəmiyyətli qələbələrindən sonra dini azlıqların təhlükəsizliyinin təmin edildiyini deyib.
Crossmedia.az xəbər verir ki, ötən həftə Hərbi Əməliyyatlar Rəhbərliyinin başçılıq etdiyi alyans Hələb və Həmaya daxil olmaqla, böyük şəhərləri ələ keçirib.
"Biz bütün dini icmaları narahat olmamağa çağırırıq... məzhəbçilik və istibdad dövrü əbədi olaraq geridə qaldı" deyən Həsən Əbdül-Qani Telegram-da qoşunlarının nizam-intizamını və onların əmrlərə sadiqliyini vurğuladı.
Qeyd edək ki, hücum həmçinin müxaliflər üçün mühüm mərhələ ola biləcək strateji Homs şəhərini də hədəfə alır.
Gültac Mehdizadə
14:48 07.12.2024
Oxunuş sayı: 6826
