İrana qarşı döyüşlərin bitəcəyi tarix məlum olub
İran və İsrail arasında müharibə şiddətlə davam edir. Hər iki tərəf hücumlarını artırır, raket və hava zərbələri nəticəsində şəhərlərdə dağıntılar çoxalıb. ABŞ və İsrailin birgə əməliyyatları İranın hərbi infrastrukturu və strateji obyektlərinə ciddi ziyan vurub. Müharibə artıq günlərdir davam edir və sivil itkilər sürətlə artır. Region ölkələri və beynəlxalq dairələr genişlənən savaşın ciddi humanitar fəsadlar yaradacağından narahatdır.
Crossmedia.az-a danışan AĞ Partiya sözçüsü, siyasi şərhçi Cavanşir Abbaslı belə açıqlamaların verilməsini təbii hal hesab edib: "Çünki İranın ali liderinin öldürülməsinin üzərindən çox qısa zaman keçib. Onun üçün belə qısa müddətdə Molla rejimi təslim ola bilməz. Təslim olarsa, bu, daxildə və xalq arasında ciddi reaksiyalara səbəb olacaq. Bu cür imitasiyaya yaxın açıqlamalara qarşıdakı günlərdə də şahid olacağıq".
C.Abbaslı həmçinin qeyd edib ki, Novruz bayramına qədər və ondan sonra da bu savaş davam edəcək:
" Proseslər getdikcə qızışır. İranda qısa müddətdə məğlub ediləcək bir ölkə deyil. Onun qısa müddətdə sıradan çıxarılmasının ən başlıca yollarından biri hərbi əməliyyatlardır, amma buna heç vaxt Amerika və onun tərəfdaşları birbaşa girməz, çünki bu onların intiharı olar. İranla hərbi əməliyyat aparmaq o qədər də asan deyil. İran kifayət qədər böyük orduya, silah baxımından güclü arsenalə və iqtisadi baxımdan dayanıqlı qüvvəyə sahibdir. Hətta sərt sanksiyalar altında da İran müəyyən dövrü dözümlə keçə bilər. Bütün bunları nəzərə alsaq, belə açıqlamaların verilməsi təbii idi. Bir növ, qırış-qırış savaşı gedir və nəticədə kim kimin qarşısında dayanacaq, zaman göstərəcək".
Fatimə Məmmədova
15:01 06.03.2026
Oxunuş sayı: 650
