İrandan İsrailə qarşı növbəti kiberhucum
İsrailin Kəşfiyyat və Daxili Təhlükəsizlik Təşkilatı (Şinbet) yüksək rütbəli rəsmilərinin şəxsi məlumatlarını əldə etmək məqsədilə İrana bağlı hakerlərin 200-dən çox fişinq (qlobal şəbəkədə balıq ovunu xatırladan fırıldaqçılığın bir növü) əməliyyatı həyata keçirdiklərini açıqlayıb.
Crossmedia.az Amerikanın səsi-nə istinadən məlumat verir ki, kiberhücumların hədəfində İsrailin təhlükəsizlik rəsmiləri, siyasi xadimlər, alimlər, media işçiləri, eləcə də jurnalistlər olub. Şinbet qeyd edib ki, bu, Tehranın Təl-Əvivə qarşı terror aktları törətmək məqsədilə başlatdığı kampaniyada daha bir mühüm təhlükədir.
Bildirilib ki, İranın fəaliyyətlərini müəyyən etmək və zərərsizləşdirmək üçün daha çox işlər görüləcək.
16:48 03.12.2024
Oxunuş sayı: 5723
