Xarici xəbərlər

Kalininqradın sabiq meri Kurqan vilayətində ölü tapılıb

Kalininqrad şəhərinin keçmiş meri Yevgeni Lyubiy Kurqan vilayətində ölü tapılıb.

Crossmedia.az xəbər verir ki, onun ölümü barədə Kalininqrad Şəhər Şurası məlumat yayıb.

Şəhər Şurasının deputatları mərhumun ailəsinə başsağlığı verərək, Yevgeni Lyubiyin həyatını xalqa xidmətə həsr etdiyini bildiriblər.

İlkin ehtimallara görə, 51 yaşlı Yevgeni Lyubiyin cəsədi qaz sobasının yandığı otaqda aşkar edilib. Onun dəm qazından boğularaq həyatını itirdiyi bildirilir.

Qeyd edək ki, Yevgeni Lyubiy 2021-ci ilin oktyabrında Kalininqradın meri vəzifəsini icra etməyə başlayıb. O, 2023-cü ilin martında istefa verərək təcili tibbi yardım xəstəxanasında işinə qayıdıb, eyni zamanda şəhər şurasının üzvü olaraq fəaliyyətini davam etdirib.

2024-cü ildə isə onun avtomobilində silah və istifadə olunmuş gilizlərin aşkar edilməsindən sonra işdən çıxarıldığı barədə məlumat yayılmışdı.

Nəzrin Abbas

🖨 Çap et

16:33 09.01.2026

Oxunuş sayı: 1376